About
National University of Computer Studies
NUCS ၏ နောက်ခံသမိုင်း
National University of Computer Studies (NUCS) သည် အမျိုးသားညီညွတ်ရေးအစိုးရ၊ ပညာရေးဝန်ကြီးဌာန၏ တရားဝင်အသိအမှတ်ပြုမှုနှင့်အညီ တည်ထောင်ဖွင့်လှစ်ထားသော ကိုယ်ပိုင်အုပ်ချုပ်ခွင့်ရ တက္ကသိုလ် (Self-Administrative University) တစ်ခုဖြစ်ပါသည်။
မြန်မာနိုင်ငံတဝှမ်းရှိ ကွန်ပျူတာတက္ကသိုလ်များနှင့် သတင်းအချက်အလက်နည်းပညာတက္ကသိုလ်၊ ကွန်ပျူတာနှီးနွယ်တက္ကသိုလ်များဖြစ်သော မြန်မာသတင်းအချက်အလက်နည်းပညာတက္ကသိုလ်နှင့် နည်းပညာတက္ကသိုလ် (ရတနာပုံဆိုက်ဘာစီးတီး)များ၏ IT ဘာသာရပ်များမှ ပညာရေးရပ်တန့်နေခဲ့သော ကျောင်းသား/သူများ အတွက် ဆက်လက်ပညာသင်ယူနိုင်ရေးကို ၂၀၂၄ အောက်တိုဘာလမှ၍ စတင်လက်ခံသင်ကြားပေးလျှက်ရှိပါသည်။
၂၀၂၃-၂၄ ပညာသင်နှစ်မှစ၍ တက္ကသိုလ်ဝင်ခွင့်စိစစ်ရေးအဖွဲ့မှတဆင့် လျှောက်ထားကြသော ပထမနှစ် ကျောင်းသား/သူ များကိုလည်း လက်ခံသင်ကြားပေးလျှက်ရှိပါသည်။
Study Programs and Courses
Our Vision
NUCS သည် နည်းပညာသင်ကြားရေးကို ခေတ်မီစွာ တည်ဆောက်ထားပြီး အနာဂတ်တွင် နိုင်ငံတကာအသိအမှတ်ပြု Online University တစ်ခုအဖြစ် တည်တံ့နိုင်ရန် ရည်ရွယ်ထားပါသည်။
အနာဂတ်မှာ –
- နိုင်ငံတကာမှ အကူအညီဖြင့် သင်တန်းအစီအစဉ်များ တိုးချဲ့မည်။
- CDM ကျောင်းသားများအတွက် လေ့လာမှုအခွင့်အလမ်းများ ပိုမို ဖန်တီးမည်။
- နိုင်ငံတကာသို့ ထွက်ခွာနိုင်သော ကျောင်းသားများအတွက် Degree Credit Transfer အခွင့်အလမ်းများ ဖန်တီးမည်။
- Digital Learning နှင့် Tech Education ကို မြန်မာ့ပညာရေးတွင် အမြဲတမ်း ထိန်းသိမ်းနိုင်ရန် ဆောင်ရွက်မည်။