Postgrad Degree Programs - National University of Computer Studies

စစ်အာဏာသိမ်းမှုကိုဆန့်ကျင်လျှက် ယနေ့တိုင် CDM ပြုလုပ်ထားကြသည့် နိုင်ငံတဝှမ်းရှိကွန်ပျူတာတက္ကသိုလ်များနှင့် သတင်းအချက်အလက်နည်းပညာတက္ကသိုလ်တို့၏ မဟာတန်းနှင့် ပါရဂူတန်းအသီးသီးမှ သုတေသနပြုလုပ်နေကြသော သင်တန်းသား/သူများအတွက် National University of Computer Studies (NUCS) တွင် သုတေသနလုပ်ငန်းများ ဆက်လက်ပြုလုပ်နိုင်ရေး လက်ခံပေးလျှက် ရှိပါသည်။

လက်ခံသည့် တက္ကသိုလ်များနှင့် ဘွဲ့များ

တက္ကသိုလ်များ	လက်ခံသည့် မဟာတန်းများ	လက်ခံသည့် ပါရဂူတန်းများ
ရန်ကုန်ကွန်ပျူတာတက္ကသိုလ် မန္တလေးကွန်ပျူတာတက္ကသိုလ် ကွန်ပျူတာတက္ကသိုလ် (ဗန်းမော်) ကွန်ပျူတာတက္ကသိုလ် (မြစ်ကြီးနား) ကွန်ပျူတာတက္ကသိုလ် (လွိုင်ကော်) ကွန်ပျူတာတက္ကသိုလ် (ဘားအံ) ကွန်ပျူတာတက္ကသိုလ် (သထုံ) ကွန်ပျူတာတက္ကသိုလ် (စစ်တွေ) ကွန်ပျူတာတက္ကသိုလ် (တောင်ကြီး) ကွန်ပျူတာတက္ကသိုလ် (လားရှိုး) ကွန်ပျူတာတက္ကသိုလ် (ကျိုင်းတုံ) ကွန်ပျူတာတက္ကသိုလ် (ပင်လုံ) ကွန်ပျူတာတက္ကသိုလ် (ကလေး) ကွန်ပျူတာတက္ကသိုလ် (မုံရွာ) ကွန်ပျူတာတက္ကသိုလ် (မန္တလေး) ကွန်ပျူတာတက္ကသိုလ် (မိတ္ထီလာ) ကွန်ပျူတာတက္ကသိုလ် (ပုသိမ်) ကွန်ပျူတာတက္ကသိုလ် (မအူပင်) ကွန်ပျူတာတက္ကသိုလ် (ဟင်္သာတ) ကွန်ပျူတာတက္ကသိုလ် (ထားဝယ်) ကွန်ပျူတာတက္ကသိုလ် (မြိတ်) ကွန်ပျူတာတက္ကသိုလ် (တောင်ငူ) ကွန်ပျူတာတက္ကသိုလ် (ပြည်) ကွန်ပျူတာတက္ကသိုလ် (မကွေး) ကွန်ပျူတာတက္ကသိုလ် (ပခုက္ကူ)	M.C.Sc. နှင့် M.C.Tech. များ အားလုံး	Ph.D. (IT)
သတင်းအချက်အလက်နည်းပညာတက္ကသိုလ် (UIT)	M.C.Sc. နှင့် M.C.Tech. များ အားလုံး	Ph.D. (IT)

⚠️ အရေးကြီးသောသတိပေးချက်များ

ပါရဂူတန်းများအတွက် Ph.D. (IT) ဘွဲ့ကို ပေးအပ်မည်ဖြစ်ပြီး မဟာဘွဲ့များအတွက် မဟာကွန်ပျူတာသိပ္ပံဘွဲ့ (M.C.Sc.) နှင့် မဟာကွန်ပျူတာနည်းပညာဘွဲ့ (M.C.Tech.) နှစ်မျိုးကိုသာ ပေးအပ်မည် ဖြစ်ပါသည်။
Supervisor စီစဉ်ပေးနိုင်မှုပေါ်မူတည်၍ ဆက်လက်ပြုလုပ်ရေး စီစဉ်ဆောင်ရွက်ပေးမည်ဖြစ်ပြီး အီးမေးလ်ဖြင့် အကြောင်းပြန်ကြားပါမည်။ မိမိ၏ သုတေသနအကျဉ်းချုပ်ကို နာရီဝက်စာ Online Presentation ပေးရန် ပြင်ဆင်ထားရပါမည်။
စိစစ်ရန်နှင့်စီစဉ်ရန် ကြာချိန် (၃) လ ခန့်ရှိမည် ဖြစ်ပါသဖြင့် လျှောက်လွှာတင်ပြီး (၃) လ အကြာမှသာ စုံစမ်းမေးမြန်းပေးပါရန်။
မဟာဘွဲ့နှင့် ပါရဂူဘွဲ့ သင်တန်းသားအသစ်များ ခေါ်ယူနိုင်ရေးကိုလည်း စီစဉ်ဆောင်ရွက်နေဆဲ ဖြစ်ပါသည်။

📄 တင်သွင်းရမည့် အချက်အလက်များ

အမည် / အတန်း / တက္ကသိုလ် / ပြုလုပ်ပြီးခဲ့သည့် Seminar အကြိမ်အရေအတွက်
ယင်းသင်တန်းတက်ရောက်နေကြောင်း အထောက်အထား တခုခု
ရေးသားထုတ်ဝေခဲ့ပြီးသော ပြည်တွင်း/ပြည်ပ စာတမ်းများနှင့် မှန်ကန်ကြောင်း စိစစ်နိုင်မည့် အချက်အလက်များ (ဥပမာ — conference, publication link …)
မိမိပြုလုပ်နေသည့် Thesis/Research ၏ Field of Study နှင့် အကျဉ်းချုပ်

လျှောက်ထားသူများသည် မြန်မာ့ပညာရေးစနစ် (Myanmar Education System – MES) မှတဆင့် လျှောက်လွှာတင်သွင်းရမည်ဖြစ်ပြီး လျှောက်ထားနည်းလမ်းညွှန်ကို ဇွန်လ ၂၀၂၆ အတွင်း ထပ်မံကြေညာပါမည်။

ဘွဲ့လွန်သုတေသနလုပ်ငန်းများ ဆက်လက်ပြုလုပ်နိုင်ရေး ကြေညာချက်